Tolikudai Taong 2024 Bo Tayowai In Taong Nobagu 2025

Na’adon bayongan naton aka mo bali’ yo poko oyong sin mongongumanpa.
O’uman bi naton komintan
O’uman kobo biyag bo kobiyagan
Utat bo ginalum, guyanga, guhanga, buik bo nanakan kon lopa’ in Bolaang Mongondow
raya (BMR), kombonu taong 2024 no anto’ doman pinomia bo kino aidan.
Onda no lapat inaidan yo syukuron sin no lapat don kombonu notompiya pinogogaid taisik.

Poigumon mako inta inaidan diyak pa lagi mo rumbun sin pinococampur kon simen, bungayon bo kerikil in notompod pa kon onda in rencana nongkon Dinas Pekerjaan Umum (PU).

Bayongan don fisik sinoko aidan inta inanggar Pomarentah mulai kon anggaran APBN, APBD Provinsi, APBD Kabupaten/Kota bo inaidan Dana Desa ta’ mokisyukur mako sin nolapat inaidan namutolu inta nokadai kon pulu, umpaka inaidan nolapat don tongak diyak pa bi’ no palut in urusan sin olataon pa doman masa pemeliharaan kon onda sinoko
aidan onom no bulan pogolatan.

Aka diyak no I tutui ponogogaid yo pirikisa’on pa bi’ in Inspektorat bo sebelumnya kami
tolu Masyarakat mo mirikisa bi doman kon inaidan sin kami masyarakat mopo make’.

Yo aka kami masyarakat in momirikisa yo diyak bi’ moko po susah sin onda bi in banar tuwa poguman nami.

Kon Lipu’ totok bi doman nami tolu masyarakat pirikisa’an aid I Sangadi bo Aparat kon bonu Lipu’ sin popomake’an onda inaidan fisiknya ba mo onggot pa mo rumbun. Aka aid no pira yo diyak bi ki in mo ngenteng, tongak aka aid bo no romuk yo ta’anai bongolan singogon in masyarakat tongo Lipu’, bo dika numapusu aka singogon in masyarakat sin ba diyak mo nanat in masalahnya.

Soal kemasyarakatan kon Lopa’ in Totabuan Bolaang Mongondow Raya selama taong
2024 oyu’onka yogenggeng tongak lagi bi no selesai kopiyapiya mako, sin taya tolu duduyan kon Pomarentah mulai ki Bupati, Camat bo Sangadi/Lurah umuran noyobogot
mopoyo tantan onda bobayowan kon masyarakat. Moki syukur doman kon Pulisi ano.

Lamemet moponag mongaman kon yogenggeng in masyarakat.

Aka diyak doman taya tolu Pulisi moponag mopoyo damai ropatoy kon Lopa in Dumoga
yo moyoyiga bi’ auk sin tumayow bi kon pitow mo lanit bo ginibat takin panawaer.

Ponyonyelesai doman naya tolu Pulisi kon masalah kekerasan kon bobay bo mongo Adik.

Takin don pemerkosaan molamemet doman mosia taisik umpaka bi pongantog in pungit
yo salalu bi mo siap taya tolu kon Polsek ande kon Polres. Syukur mo anto’ Kapolres kon lima no Daerah kon BMR. Mo HEBAT in mo iko molukad kon kaamanan nami masyarakat

Kondisi politik taong 2024 minayak bi kopiya piya mako sin masyarakat anongo pandoi
don sin dunia ain non tarang, onuka informasi yo tongak bidon indoyan monia kon belek
taniyon kadakadayan mako kon onda kabi’ in bayaan, sedang mo siug yo gupilon
pototaguk yo sedang buloy buidon moherang kon gogutuk.

Taong 2024 nomilik kon Anggota Dewan kon Pusat, Provinsi bo Kabupaten/Kota.
Selama masa pinokampanyean nodapot kon pencoblosan yo diyak in masalah ropatoy
senelesai dapot kon Pulisi. Natuwa bi’ aka motayak kon kadera litu’an in calon yo tana’a pendukung mosigoginotan bi’ tongak diyak bi motuwoy ropatoynya. Masyarakat mota’aw
doman don mo mulitik sin no balajar don kon jurus sinoko tunduk minta monia tanion
politisi senior ande kainaton PUKAHA’ DON PULITIK ki lakinya bo ki ba’ainya nion.
Tobatu’ intaw Mongondow ilimitu’ kon DPR pusat tangoinya ki Dra Hj. Yasti Soeprejo
Mokoagow (BOGANI KI YASTI) pangkat pinopokompit kon iniya doday no bali’ Bupati Bolaang Mongondow. Bobay mo pandoi bo mobarani mo singog kon kabanaran bo mo
berjuang kon kepentingan naton masyarakat BMR.
Tobatu’ doman bobay naton ilimitu’ kon DPD RI tangoinya ki Cherish Harriette
Mokoagow, BA, MBA. Wakil naton modulu doman mo berjuang kon rencana moloben
naton komintan moposindog in Provinsi BMR aka mekarondon in Provinsi Sulawesi Utara
igumon mako Wakil naton umuran mo sehat bo mosemangat mo berjuang takin
Taya mopulu’ wakil naton tolu ilimitu’ kon DPRD Provinsi Sulawesi Utara poigumon
doman doa mosia moropot mo batuang kon kepentingan naton kon BMR. Mongorogi bi
taya mo pulu’ ondoyan ku mangoi na’a. aka toyangan simindog kon silai naton yo moko
ulik bi kon silai moloben sin bagu bi wilayah yo 52% luas Sulawesi Utara na’a bi kon BMR.
Yo toyangai pa ta isik sin mopulu’ bi mo iko niyon.
Pilkada Serentak kon BMR paling mo aman sin diyak bi onda noropatoy pinoyotutuy in
pulisi. Masyarakat nongo pandoy bidon sin kota’awan don monia momihak kon onda
mosia. Bo masyarakat doman mo ta’aw don mo mulitik, sin aka diyak in doit yo kai monia
konion pa iko lakinya kamunda ba’ainya. Pogongkos kon pulitik tongak bi doit, aka oyu’on doit yo molancar modait in urusan bo mo tayak kon suara diyak moyoyiga kain kai monia taniyon Tim mongo hebat don sampe noko untung.
Yo na’a guman bo koyow ko inaton komintan kon Lopa’ in Bolaang Mongondow Raya
(BMR), IGAI KITA MOYOBOGOT sin ba onda rencana moloben naton tayotayow mangoi
mo ga’an naton buaton, aka moyobogot yo barang mo bogat mo balik moga’an aka
buligan, ta aka moyokenak yo umpaka bi moga’an mo balik mobogat aka untuwon naton.
Onuka noko kuyang kon gina ande diyak noyo ginunung bonu dodob yo popo maaf don
bo TOLIKUDAI don Taong 2024 bo TAYOWAI in Taong no Bagu 2025.

Motobatu’ molintak kon Totabuan
Tabe’ takin salamat
Salam Tabi bo Tanob
#salammerahputihbenderakitabersama